سیاحوں کی گاڑی عشریت کے مقام پر حادثے کا شکار۔ایک ہی خاندان کے 16افراد زخمی
سیاحوں کی گاڑی عشریت کے مقام پر حادثے کا شکار
چترال( چترال ٹائمز رپورٹ) لواری کے نواحی علاقہ عشریت میں بکسہ گاڑی حادثے کا شکار ہوگئ، اطلاع ملنے پر ریسکیو 1122 کی میڈیکل ٹیمیں موقعے پر پہنچیں اور زخمیوں کو ابتدائی طبی امداد فراہم کرکے THQ ہسپتال دروش منتقل کیا، حادثہ گاڑی کے بریک فیل ہونے کی وجہ سے پیش آیا،
ریسکیو کے مطابق حادثے کا شکار ہونے والی گاڑی میں ڈرائیور سمیت ایک ہی خاندان کے 18 افراد سوار تھے جن میں 4 مرد ، 3 خواتین اور 9 بچے زخمی ہو گئے، زخمیوں میں دو بچوں کی حالت تشویشناک ناک ہے جن کو پشاور ریفر کیا گیا ہے اور ریسکیو 1122 کی ٹیم ایمبولینس میں پشاور منتقل کر رہی ہے، حادثے کا شکار ہونے والے خاندان کا تعلق گجرات سے ہے اور سیاحت کی غرض سے چترال آرہے تھے.