Chitral Times

Jul 18, 2024

ﺗﻔﺼﻴﻼﺕ

سرکاری حج اسکیم، فی کس 11 لاکھ روپے وصول کرنے کا فیصلہ

Posted on
شیئر کریں:

سرکاری حج اسکیم، فی کس 11 لاکھ روپے وصول کرنے کا فیصلہ

اسلام آباد(چترال ٹائمزرپورٹ)حکومت کی جانب سے سرکاری حج اسکیم کے تحت فی حاجی گیارہ لاکھ روپے وصول کرنے کا فیصلہ کیا گیا ہے۔وفاقی کابینہ کو 2024 ء کی حج پالیسی منظوری کے لئے بھیج دی گئی ہے، ڈالر کا بوجھ کم کرنے کے لئے اسپانسر شپ اسکیم آئندہ برس بھی جاری رکھنے کا فیصلہ کیا گیا ہے۔2024ء حج پر اٹھائیس کروڑ ڈالر خرچا ہو گا اور دس ہزار عازمین اسپانسر شپ اسکیم کے تحت حج ادا کر سکیں گے، اس اسکیم کے تحت حج اخراجات کیلئے رقم ڈالروں میں وصول کی جائے گی۔

پاکستانی طیارہ فلسطینیوں کیلئے امداد لیکر مصر پہنچ گیا

قاہرہ(سی ایم لنکس)غزہ میں فلسطینی عوام کے لیے پاکستان کی انسانی امداد مصر کے العریش انٹرنیشنل ایئر پورٹ پر پہنچ گئی۔مصر کے دارالحکومت قاہرہ میں پاکستانی سفارت خانے کے مطابق پاکستان سے81 ٹن انسانی اور طبی امداد لے کر خصوصی طیارہ مصر پہنچ گیا۔مصر میں پاکستانی سفارت خانے کے مطابق العریش ہوائی اڈہ غزہ سے 40 کلو میٹر کے فاصلے پر واقع ہے۔مصر میں پاکستان کے سفیر ساجد بلال نے یہ امداد آگے غزہ میں فلسطینی انجمن ہلال احمر تک پہنچانے کے لئے مصری انجمن ہلال احمر کے حوالے کی۔پاکستانی سفارت خانے کی جانب سے کہا گیا ہے کہ پاکستان اس نازک موڑ پر فلسطینی عوام کے ساتھ کھڑا ہے، پاکستان فلسطینیوں کو ضروری امدادی سامان فراہم کرتا رہے گا۔

 


شیئر کریں:
Posted in تازہ ترین, جنرل خبریںTagged
80585