Chitral Times

Jul 14, 2024

ﺗﻔﺼﻴﻼﺕ

سابق ڈی پی او چترال سونیا شمروز خان کو عالمی ایوارڈ سے نوازاگیا 

شیئر کریں:

سابق ڈی پی او چترال سونیا شمروز خان کو عالمی ایوارڈ سے نوازاگیا
ڈی پی او بٹگرام سونیا شمروز خان نے عالمی سطح پر تاریخی اعزاز پاکستان کے نام کرلیا
سونیا شمروز خان پاکستان کی پہلی اور جنوبی ایشیاء کی دوسری مسلمان خاتون ہے جنکو عالمی ایوارڈ سے نوازا گیا

چترال ( نمایندہ چترال ٹایمز ) انٹرنیشنل ایسوسی ایشن آف ویمن پولیس (IAWP) نے خیبر پختونخوا سے سینئر سپرنٹنڈنٹ آف پولیس سونیا شمروز خان کی نامزدگی کو ‘سال کی بہترین پولیس آفیسر’ کے طور پرانتخاب کیا گیا تھا۔ایس ایس پی سونیا شمروز ڈی پی او بٹگرام پہلی ایشیائی اور دوسری مسلم خاتون ہیں جنہیں تنظیم کی ساٹھ سالہ تاریخ میں اس باوقار اعزاز سے نوازا گیا ہے۔یہ اعزاز پولیسنگ میں ان کی شاندار خدمات اور خواتین کے خلاف تشدد کو روکنے میں ان کی انمول کوششوں کے اعزاز میں دیا گیا ہے۔یادرہے کہ (IAWP) خواتین کی پولیس کی بین الاقوامی ایسوسی ایشن ایک عالمی تنظیم ہے جو بین الاقوامی سطح پر خواتین پولیس کی صلاحیتوں کو مضبوط، متحد اور بڑھانے کے ساتھ عالمی طور پر خواتین پولیس کے مفادات کی نمائندگی کرتی ہے ۔ یہاں یہ بات قابل ذکر ہے کہ ایس ایس پی سونیاشمروز خان صوبے کی پہلی خاتون ڈی پی او ہیں جنکی پہلی پوسٹنگ چترال میں ہوئی تھی ۔ اور اس بین الاقوامی ایوارڈ کے لیے نامزدگی بھی چترال  اور بٹگرام میں خواتین کے حوالے سے انکی نمایاں خدمات پر ہوئی ہے۔

chitraltimes soniya shamroz khan dpo chitral 4 chitraltimes soniya shamroz khan dpo chitral 3


شیئر کریں:
Posted in تازہ ترین, جنرل خبریں, چترال خبریںTagged
79285