دنیا کی سب سے طویل اور تیز رفتار انٹرنیٹ سب میرین کیبل پاکستان پہنچ گئی
دنیا کی سب سے طویل اور تیز رفتار انٹرنیٹ سب میرین کیبل پاکستان پہنچ گئی
کراچی(چترال ٹائمزرپورٹ)دنیا کی سب سے طویل اور تیز رفتار انٹرنیٹ سب میرین کیبل پاکستان پہنچ گئی۔سب میرین کیبل 2 افریقا کو ہاکس بے بی ایم ایکس (بیچ میں ہول) تک پہنچا دیا گیا ہے، یہ 16 پیئر کی کیبل ہے جس کی مجموعی گنجائش 180 ٹیرا بائٹ ہے اور یہ دنیا کی سب سے طویل انٹرنیٹ کیبل ہے۔یہ پاکستان تک پہنچنے والی سب سے تیز رفتار گنجائش کی سب میرین کیبل ہے جسے 2025 کے اختتام تک آپریشنل کیا جائے گا، کیبل کی کنیکٹیویٹی سے پاکستان میں میٹا صارفین کی میٹا کے مواد تک رسائی بہتر ہوگی۔2 افریقا سب میرین انٹرنیٹ کیبل 45 ہزار کلو میٹر پر مشتمل ہے، 33 ممالک میں 46 لینڈنگ اسٹیشنز اس کے نیٹ ورک کا حصہ ہیں، پاکستان 2 افریقا پرل کا حصہ ہے جو خلیجی ملکوں سے بھارت تک پہنچے گا۔
ہیڈ آف سب میرین کیبل منیف رانا کاکہنا ہے کہ ٹرانس ورلڈ نے اس سے قبل 2 انٹرنیٹ سب میرین کیبلز پاکستان تک پہنچائیں، انٹرنیٹ مواد بڑھنے سے انٹرنیٹ کیبلز کی طلب بڑھ رہی ہے، یہ چائنا موبائل انٹرنیشنل، میٹا اور دیگر پر مشتمل کنسورشیم کا کیبل ہے۔ انہوں نے کہا کہ یہ کیبل پاکستان میں 24 ٹیرا بٹس لے کر آئے گی جس سے انٹرنیٹ کی رفتار بہتر ہوگی، یہ کیبل ڈیجیٹل پاکستان کے لیے ایک اہم سنگ میل ہے، کیبل افریقا سے عمان اور عمان سے پاکستان آرہی ہے۔چیف ٹیکنیکل آفیسر ٹرانس ورلڈ عامر الدین نے کہا کہ 2 افریقا انٹرنیٹ سب میرین کیبل پاکستان کو مڈل ایسٹ، افریقا اور یورپ سے منسلک کریگی، کیبل سال 2025 کی چوتھی سہ ماہی تک فعال ہوگی۔ منصوبہ پاکستان کے بین الاقوامی رابطے کو مزید بہتر اور مضبوط بنائے گا۔
پی آئی اے نجکاری اب پرکشش بنا دی گئی، ڈسکوز کی نجکاری کو حتمی شکل دی جائے،علیم خان
اسلام آ باد(سی ایم لنکس)وفاقی وزیر نجکاری، سرمایہ کاری بورڈ اور مواصلات عبدالعلیم خان نے کہا ہے کہ پی آئی اے کی نجکاری اب زیادہ آسان اور پرکشش بنا دی گئی، ڈسکوز کی نجکاری کے امور کو حتمی شکل دی جائے۔وفاقی وزیر نجکاری، سرمایہ کاری بورڈ اور مواصلات عبدالعلیم خان کی زیر صدارت پرائیویٹائزیشن کمیشن بورڈ کا اجلاس ہوا، اجلاس میں مختلف اداروں کی پرائیویٹائزیشن کے امور پر غوروخوض کیا اور اہم سفارشات پیش کی گئیں۔پرائیویٹائزیشن کمیشن بورڈ کے 229ویں اجلاس میں گزشتہ بورڈ اجلاس کی کاروائی کی بھی منظوری دی گئی، وفاقی وزیر پرائیویٹائزیشن عبدالعلیم خان کی نجکاری کے تمام منصوبوں پر شفافیت کے ساتھ کام کو مزید تیز کرنے کی ہدایت کی۔
بورڈ اجلاس میں پرائیویٹائزیشن کے لیے فنانشل ایڈوائزرز کی تقرری سمیت اہم تکنیکی امور پر ہونیوالی پیش رفت پر غور کیا گیا۔وفاقی وزیر عبدالعلیم خان نے نے کہا کہ اداروں کی نجکاری قوانین و ضوابط کے مطابق ہونا ہے، خلاف ضابطہ کچھ بھی نہیں ہو سکتا، ادارو ں کی نجکاری کا مقصد ملکی خزانے پر مستقل پڑنے والے بوجھ سے نجات دلانا ہے۔ ان کا کہنا تھاکہ پی آئی اے کی نجکاری کے لیے گزشتہ کارروائی کی روشنی میں بہتر اور مختلف حکمت عملی اور نئی سفارشات پر غورکیا گیا، پی آئی اے کی نجکاری اب زیادہ آسان اور پرکشش بنا دی گئی ہے۔وفاقی وزیر نے ہدایت کی کہ ڈسکوز کی نجکاری کے لئے وزارت توانائی سے ایک ہفتے میں امور کو حتمی شکل دے دی جائے۔