Chitral Times

Jul 21, 2024

ﺗﻔﺼﻴﻼﺕ

دروش دوہرے قتل کے ملزم کو گرفتار کیا جائے۔ عمائدین دروش واورسیز چترالیز دوبئی

Posted on
شیئر کریں:

دروش دوہرے قتل کے ملزم کو گرفتار کیا جائے۔ عمائدین دروش واورسیز چترالیز ویلفیئرایسوسی ایشن دوبئی

دروش (چترال ٹایمزرپورٹ) آج دروش شہر اور مضامات کے تقریباً 50 مساجد میں سانحہ شاہنگار و کلدام کے خلاف جس میں دو چترال باشندوں کو بےدردی سے قتل کیا گیا تھا ایک مرتبہ پھر مساجد میں شدید ردعمل دیکھنے کو ملا، جن میں علما کرام و مقررین نے شہدا کو خراج عقیدت پیش کرنے کے ساتھ ساتھ چترال میں آمن کے حوالے بھی بات چیت کی اور زور دیا کہ قاتل کو گرفتار کیا جائے البتہ دروش پولیس کے کردار سے اطمینان کا اظہار کیا گیا جبکہ اس بات پہ شدید تحفظات کا اظہار کیا گیا کہ کہو قوم اور کالاش قوم کے مقامی باشندوں کے وسائل زمینوں ، چراہگاہوں پر قبضے کیلئے پر آمن اور شریف سمجھنے والے چترالی قوم کو قتل کرکے قبضہ جمانے کی کوششیں ہو ر ہی ہے جس کا شدید جواب دیا جائے گا اور حکومت سے مطالبہ کرتے ہیں ایسے عناصر کی بیخ کنی کیلئے بھر پور کوشش کریں تاکہ چترال جیسے پر آمن علاقے کو مفاد پرست ، قوم پرست اور ظالم لوگوں سے چھٹکارا مل سکے۔آخر میں مرحومین کیلئے دعائے مغفرت کی گئی ۔

 

 

دروش کلدم میں دو افراد کے قتل میں ملوث ملزمان کو فوری گرفتار کرکے قانون کے کٹہرے میں لایا جائے۔ اورسیز چترالیز

دوبئی (نمائندہ چترال ٹائمز) اورسیز چترالیز ویلفیئرایسوسی ایشن دوبئی کا ایک ہنگامی اجلاس ایسوسی ایشن کے صدر حاجی محمد ظفر کی زیر صدارت دوبئی کے ایک مقامی ہوٹل میں منعقد ہوا۔ جس میں گزشتہ دنوں دروش کلدام میں دو افراد کے قتل پر انتہائی افسوس اور غم وغصے کا اظہار کیا گیا، اجلاس میں اس بات پر تشویش کا اظہار کیا گیا کہ چترال کے ایک پرآمن علاقے میں دن دھارے دو افراد کو قتل کرنے کے بعد ملزم تاحال روپوش ہے، اورسیز چترالیوں نے ضلعی انتظامیہ اور ڈی پی او چترال سے ملزمان کی فوری گرفتاری اور انھیں قانون کے کٹہرے میں لانے کا مطالبہ کیا، اجلاس میں غم زدہ خاندان کے ساتھ دلی ہمدردی اور تعزیت کا اظہار بھی کیا گیا اور متاثرہ خاندان کے ساتھ اپنی طرف سے ہرممکن تعاون کی بھی یقین دہانی کی گئی۔

 


شیئر کریں:
Posted in تازہ ترین, جنرل خبریں, چترال خبریںTagged
78511