خیبرپختونخوا کا سرپلس بجٹ 169 ارب کے قریب ہے جبکہ وفاق نے اعدادوشمار کی تبدیلی کے ساتھ ہمارے سرپلس کو 86 ارب تک کم کر دیا ہے- مشیر خزانہ خیبرپختونخوا
خیبرپختونخوا کا سرپلس بجٹ 169 ارب کے قریب ہے جبکہ وفاق نے اعدادوشمار کی تبدیلی کے ساتھ ہمارے سرپلس کو 86 ارب تک کم کر دیا ہے- مشیر خزانہ خیبرپختونخوا مزمل اسلم
اکاؤنٹنٹ جنرل آف پاکستان کی جانب سے پنجاب میں 180 ارب کے سنگین آڈٹ اعتراضات بھی لگائے گئے ہیں مشیر خزانہ خیبرپختونخوا مزمل اسلم
پشاور (چترال ٹائمز رپور ٹ) مشیر خزانہ خیبرپختونخوا مزمل اسلم نے خیبرپختونخوا سرپلس بجٹ اور وفاقی کھاتوں کے تضادات بارے بیان جاری کرتے ہوئے کہا ہے کہ ہمارے حساب کے مطابق خیبرپختونخوا سرپلس بجٹ 169 ارب روپے کے قریب ہے جبکہ وفاق نے اعدادوشمار کی تبدیلی کے ساتھ ہمارے سرپلس کو 86 ارب تک کم کر دیا ہے۔
مزمل اسلم نے کہا ہے کہ وفاقی حکومت نے ضم شدہ علاقوں کے ترقیاتی فنڈز روکے ہیں اور جاری اخراجات کم مختص کیے ہیں اس کے باوجود خیبرپختونخوا حکومت نے 169 ارب روپے کے سرپلس فنڈز پیدا کیے ہیں۔ مشیر خزانہ خیبرپختونخوا نے کہا کہ خیبرپختونخوا حکومت نے پنشن اور گریجویٹی فنڈ میں بھی 40 ارب روپے کے اضافی فنڈز ڈالے ہیں مگر دلچسپ بات یہ ہے کہ وفاقی کھاتوں نے انہیں اخراجات میں شمار کیا ہے۔ \
مشیر خزانہ خیبرپختونخوا نے کہا کہ وفاقی وزارت خزانہ کی جانب سے پنجاب اور خیبرپختونخوا کے لیے رپورٹ کردہ شماریات میں بھی تضادات ہیں اور وفاقی شماریات کے مطابق خیبرپختونخوا کے سرکاری اداروں کے ذخائر میں کمی واقع ہوئی ہے جبکہ اکاؤنٹنٹ جنرل کی طرف سے پنجاب کے مالیاتی اخراجات میں تنزلی کی وجہ سے شماریاتی تفاو ہے۔ مشیر خزانہ خیبرپختونخوا نے کہا کہ جس کا مطلب ہے کہ پنجاب میں 180 ارب کے سنگین آڈٹ اعتراضات بھی لگائے گئے ہیں۔
