Chitral Times

Jul 20, 2024

ﺗﻔﺼﻴﻼﺕ

بجلی 55 پیسے فی یونٹ مہنگی کرنے کی درخواست پر نیپرا کی سماعت جاری

Posted on
شیئر کریں:

بجلی 55 پیسے فی یونٹ مہنگی کرنے کی درخواست پر نیپرا کی سماعت جاری

اسلام آباد( چترال ٹائمزرپورٹ ) سی پی پی اے کی جانب سے بجلی 55 پیسے فی یونٹ تک مزید مہنگی کرنے کی درخواست دی گئی جس کی آج نیپرا ہیڈ کوارٹرز میں سماعت شروع ہوگئی۔ چیئرمین نیپرا وسیم مختار سماعت کی سربراہی کر رہے ہیں۔سی پی پی اے نے ماہانہ فیول پرائس ایڈجسٹمنٹ کی مد میں اضافے کی درخواست دائر کی ہے اور سرکاری ڈسکوز کے لیے بجلی کی قیمتوں میں 55 پیسے فی یونٹ اضافہ مانگا ہے۔ منظوری کی صورت میں صارفین پر ایک ماہ کیلئے 8 ارب 37 کروڑ کا اضافی بوجھ پڑے گا۔سی پی پی اے نے درخواست میں کہا ہے کہ ماہ ستمبر میں 12 ارب 92 کروڑ یونٹ بجلی کی فروخت ہوئی، ہائیڈل سے بجلی کی پیداوار 37.55 فیصد رہی، ستمبر میں آر ایل این جی سے بجلی کی پیداوار 15.95 فیصد ہوئی اور ماہ ستمبر میں فرنس آئل سے بجلی کی پیداوار 1.80 فیصد رہی، بجلی کے نرخ بڑھائے جائیں۔

وزارتِ مذہبی امور کی پی ائی اے کو واجبات کی ادائیگی

اسلام آباد(سی ایم لنکس)وزارتِ مذہبی امور کی جانب سے پی آئی اے کو 50 کروڑ روپے سے زائد کے واجبات کی ادائیگی کر دی گئی ہے، جس کے بعد پروازوں کی منسوخی میں بھی کمی ہو رہی ہے۔حکام کے مطابق قومی ایئر لائن پی آئی اے کو وزارتِ مذہبی امور کی جانب سے 50 کروڑ روپے سے زائد کی رقم موصول ہو چکی ہے۔ترجمان پی آئی اے کا کہنا ہے کہ وزارتِ مذہبی امور کی جانب سے ادائیگی کے بعد پی آئی اے نے مزید 50 کروڑ روپے ایندھن کی مد میں پی ایس او کو ادا کر دیئے ہیں۔پی ایس او کو ادائیگی کے بعد قومی ایئرلائن کا فلائٹ آپریشن کل سے 100 فیصد بحال ہو جائے گا۔تاہم اسلام آباد سے گلگت کی 4 پروازیں دو دن جاری رہنے کے بعد آج (یکم نومبر کو) پھر بند کردی گئیں جبکہ مجموعی طور پر 19 پروازیں منسوخ ہیں۔اسلام آباد سے گلگت کے لیے پروازیں پی کے 601، 602، 605، 606، دبئی کے لی 233، سکھر کے لیے 631، 632، کراچی کے لیے 368، 369 منسوخ کردی گئی ہیں۔منسوخ ہونے والی پروازوں میں لاہور سے جدہ کے لیے پی کے 959، کراچی کے لیے 303، شارجہ کے لیے 186، شارجہ سے پشاور کے لیے پی کے 258، ملتان سے کراچی کے لیے پی کے 330، 331، جدہ کے لیے 840، کراچی سے سکھر کے لیے پی کے 536، 537، دبئی سے فیصل آباد کے لیے پی کے 224 بھی شامل ہیں۔

 


شیئر کریں:
Posted in تازہ ترین, جنرل خبریںTagged
81167