اے۔کے۔ار۔ایس۔پی۔ کے زیراہتمام کامیاب خواتین رہنماؤں اور صنفی مساوات کے رول ماڈل جوڑے کے کردارکواُجاگرکرنے کےاعزاز میں تقریب
اے۔کے۔ار۔ایس۔پی۔ کے زیراہتمام کامیاب خواتین رہنماؤں اور صنفی مساوات کے رول ماڈل جوڑے کے کردارکواُجاگرکرنے کےاعزاز میں تقریب
چترال(نمائندہ چترال ٹائمز )آغاخان رورل سپورٹ پروگرام چترال کے لوئرچترال میں کامیاب خواتین رہنماؤں اور صنفی مساوات کے رول ماڈل جوڑے کے کردارکواُجاگرکرنے کے اعزاز میں ایک پروقارتقریب کاانعقاد کیاگیا۔تقریب میں ادارے کے ذمہ داروں کے علاوہ ،درجنوں صنفی جوڑے اورمختلف شعبہ ہائے سے تعلق رکھنے والے خواتین وحضرات نے کثیرتعداد میں شرکت کی۔
اس موقع پر ایم این ای منیجراے کے آرایس پی چترال محمدیونس نے مہمانوں کوخوش آمدیدکہتے ہوئے کہاکہ آغاخان رورل سپورٹ پروگرام چترال میں دہائیوں سے انرجی ،ایجوکیشن ،زراعت اوردوسرے سیکٹرمیں کام کرنے کے ساتھ ساتھ خواتین کوبااختیاربنانے اور ترقی میں حائل رکاوٹوں کو دورکرنے کے حوالے سے کام کرر ہے ہیں۔ انہوں نے کہاکہ خواتین کا معاشی و سماجی طور پر بااختیار ہونا معاشرے کی ترقی کا ضامن ہے،خواتین کے ساتھ امتیازی سلوک میں انسانی رویوں کو تبدیل کرنیکی ضرورت ہے،عورت کائنات کی عظیم ترین ہستی ہے جسے عزت و تحفظ اور تمام حقوق مذہب اسلام نے دیئے ہیں،اسلام نے عورت کو جو مقام و مرتبہ دیا وہ رہتی دنیا تک کوئی بھی نہیں دے سکتا۔
تقریب سے خطاب کرتے ہوئے پرنسپل گرلزڈگری کالج چترال مسرت جبین ،ڈسٹرکٹ الائنس فار جنڈر ایکولٹی فورم کے صدرنیازاے نیازی ایڈوکیٹ ، جینڈر سپیشلسٹ شازیہ سلطان، منیجر ایل اے پی ایچ پروگرام قاضی عرفان، ایریا منیجراپراے کے آرایس پی اپرچترال عطاء اللہ جان اوردوسروںے خطاب کرتے ہوئے کہاکہ خواتین کی اقتصادی با اختیاری اور بحالی کے لیے معاشی اور سماجی تبدیلی کو وسیع کرنا ہم سب کی ذمہ داری ہے۔خواتین کو ان کی زندگی کے بنیادوں پرفیصلوں کا اختیار دینا اورخواتین کی سیاسی وسماجی حیثیت تسلیم کئے بغیر کوئی معاشرہ ترقی نہیں کرسکتا۔ اسلامی معاشرے مین خواتین کو برابرکے حقوق حاصل ہیں۔ جینڈر بیس وائلنس بارے میں شعور بیدار کرنا ہے۔ اس ضمن میں میڈیا اور معاشرے کے ہر افراد کو اپنا کردار مزید بہتر انداز سیادا کرنا ہوگا۔انہوں نے کہاکہ انسانی حقوق کیلئے پیش رفت، صنفی مساوات کو فروغ دینے اور خواتین کو اپنی صلاحیتوں کو بروئے کار لانے کی حوصلہ افزائی کرنے میں اے کے آرایس پی کابڑاکردارہے جوقابل ستائش ہیں۔
تقریب میں ڈسٹرکٹ سوشل ویلفیئر افیسرخصرحیات، ڈی ایس پی ہیڈکواٹر چترال کے علاوہ سرکاری،غیرسرکاری اداروں اورسول سوسائٹی کے ذمہ دار خواتین و حضرات نے کثیرتعداد میں شرکت کی۔
