ایم بی بی ایس اور بی ڈی ایس پروگرامزکے لیے 20فیصد سیٹوں میں اضافے کی منظوری نہیں دی، پی ایم ڈی سی کی وضاحت

ایم بی بی ایس اور بی ڈی ایس پروگرامزکے لیے 20فیصد سیٹوں میں اضافے کی منظوری نہیں دی، پی ایم ڈی سی کی وضاحت

اسلام آباد(چترال ٹائمزرپورٹ) پی ایم ڈی سی نے سرکاری/نجی کالجزمیں ایم بی بی ایس اور بی ڈی ایس پروگرامزکے لیے 20فیصد سیٹوں میں اضافے کی منظوری بارے خبروں کی تردید کر دی ہے۔ پاکستان میڈیکل اینڈ ڈینٹل کونسل (پی ایم ڈی سی) کی جانب سے جاری پریس ریلیز میں سرکاری/نجی کالجزمیں ایم بی بی ایس اور بی ڈی ایس پروگرامزکے لیے 20فیصد سیٹوں میں اضافے کی منظوری بارے خبروں کی تردید کی گئی ہے۔خیبر پختونخوا حکومت کی جانب سے پی ایم ڈی سی کو کوئی درخواست موصول نہیں ہوئی اور نہ ہی پی ایم ڈی سی نے ایسی کسی سیٹ میں اضافے کی منظوری دی ہے۔ تاہم صوبائی/علاقائی حکام پی ایم ڈی سی سے منظوری کے ساتھ میڈیکل اور ڈینٹل کالجوں میں اپنی نشستیں بڑھا سکتے ہیں۔ایم بی بی ایس اور بی ڈی ایس پروگراموں کی پہچان اور سیٹوں میں اضافہ ایک مناسب طریقہ کار کے ساتھ کیا جاتا ہے جس میں صوبائی حکومتوں یا انفرادی کالج کی وزارت صحت کے ذریعے باضابطہ درخواستیں شامل ہوتی ہیں۔ پی ایم ڈی سی مکمل طور پر اس بات کا تعین کرتا ہے کہ سرکاری یا نجی کالجوں میں سیٹوں میں اضافہ مقررہ عمل کی تکمیل سے مشروط ہے۔ سیٹوں میں اضافے کے لئے میڈیکل کالجز مذکورہ طریقہ کار کا استعمال کریں۔