Chitral Times

Jul 24, 2024

ﺗﻔﺼﻴﻼﺕ

ایئر پورٹس پر ججز اور ان کی بیگمات کی تلاشی نہیں لی جائیگی

شیئر کریں:

ایئر پورٹس پر ججز اور ان کی بیگمات کی تلاشی نہیں لی جائیگی

اسلام آباد(چترال ٹائمزرپورٹ) ملک بھر کے ایئر پورٹس پر چیف جسٹس سمیت حاضر سروس ججز اور ان کی بیگمات کی تلاشی نہیں لی جائے گی۔ان افراد کی تلاشی سے استثنیٰ کا حکم نامہ 12 اکتوبر کو جاری ہوا۔سیکریٹری ایوی ایشن نے تلاشی سے استثنیٰ کا حکم سپریم کورٹ کی ہدایت پر جاری کیا۔سیکریٹری ایوی ایشن کی ہدایت پر ایئر پورٹ سیکیورٹی فورس کے حکم نامے میں کہا گیا ہے کہ ملک بھر کے ہوائی اڈوں پر چیف جسٹس اور ان کی اہلیہ کی تلاشی نہیں ہوگی۔

 

لطیف کھوسہ کا پی ٹی آئی میں شمولیت کا اعلان

لاہور(سی ایم لنکس)معروف سیاسی رہنما اور وکیل لطیف کھوسہ نے پیپلز پارٹی چھوڑ کر پاکستان تحریک انصاف میں شمولیت کا اعلان کردیا۔لاہور میں میڈیا سے گفتگو کرتے ہوئے سابق گورنر پنجاب سردار لطیف کھوسہ نے پاکستان تحریک انصاف میں شمولیت کا اعلان کیا۔سردار لطیف کھوسہ نے لاہور میں اپنی رہائش گاہ پر تحریک انصاف میں شمولیت کے موقع پر پریس کانفرنس کرتے ہوئے کہا کہ اعتزاز احسن میرے ساتھ ہیں، وہ بیمار ہونے کی وجہ سے آ نہیں سکے، آج میں خوشیوں کی طرف جا رہا ہوں، مجھے ڈرانے کی کوشش کی گئی، میرے گھر پر گولی چلائی گئی، مجھے لفٹ میں گھنٹہ بند رکھا گیا، لیکن سچ کو سچ کہنا ہے، خوفزدہ ہونے کی ضرورت نہیں۔انہوں نے کہا کہ فوجی جنرل ہو یا جج ہو سب کو عوام کے ٹیکسوں سے پیسے جاتے ہیں، عدالتوں کا کام ہے انصاف فراہم کرنا۔لطیف کھوسہ نے کہا کہ اس وقت ریاست غیر آئینی بن چکی ہے، ہمارے ایک وکیل اور جماعت کے رہنما کو گرفتار کر لیا جاتا ہے، ہمارے کیئر نہیں چیئرٹیکر وزیراعلی کی بھانجی ڈپٹی کمشنر کو خط لکھ کر لوگوں کو نظر بند کرادیتی ہے، کل مجھے شرم آئی ہم اپنے وکیل بھائی کا لاہور میں تحفظ بھی نہیں کر سکتے۔لطیف کھوسہ کا کہنا تھا کہ عدالتیں اپنے فیصلوں پر عملدرآمد کروائیں، جج صاحبان بچوں کی طرح آپس میں لڑ رہیہیں، اگر کوئی غلط فیصلہ کرے گا تو وہ دوزخ میں جائے گا۔انہوں نے مزید کہا کہ سپریم کورٹ کب تک وزیر اعظموں کو ہٹانے کا کام کرتی رہے گی، عدالتوں نے ہمیشہ عوام کو مایوس کیا، جسٹس منیر جیسے لوگوں کی بجائے اچھی عدالت ہونی چاہیے۔

 


شیئر کریں:
Posted in تازہ ترین, جنرل خبریںTagged
83133