اپر چترال انتظامیہ کا ذبح شدہ چکن فروخت کرنے والوں کے خلاف کاروائی، سینکڑوں کی تعداد میں بدبودار چکن تلف
مستوج (نمایندہ چترال ٹایمز ) عوامی شکایات اور منظور احمد افریدی ڈپٹی کمشنر اپر چترال کی ہدایات پر اپر چترال انتظامیہ کا ذبح شدہ چکن فروخت کرنے والوں کے خلاف بھر پور کاروائی کی ۔ اورسینکڑوں کی تعداد میں بدبودار اور گڑےسڑے چکن تلف کردیے گئے۔
بدھ کے روزمحمد علی ایڈیشنل اسسٹنٹ کمشنر مستوج نے ایس،ایچ،او تھانہ مستوج کے ہمراہ ذبح شدہ چکن فروخت کرنے والے افراد کے خلاف زبردست کاروائی عمل میں لاکر یارخون ویلی جانے والی گاڑی سے سینکڑوں کی تعداد میں بوسیدہ اور بدبودار چکن تحویل سرکار کرکے تلف کردیے اور ڈرائیور کو گرفتار کیا گیا۔اور اس عزم کا اظہار کیا گیا کہ مذید برآں قانونی کاروائی حسب ضابطہ عمل میں لائی جائے گی۔ قیمتی انسانوں جانوں کے ساتھ کھیلنے والے عناصر کے خلاف آئندہ بھی بھرپور کاروائی ہوگی۔
