:: Front Page

:: Your Letters

:: Articles

:: Weather Updates

:: Poetry

:: Chitral Info

:: Pictures

:: About Us

 

 

 

 

 

 

 

  May 10, 2012

Chitral Times Detail


In The Name of ALLAH The Almighty
 

اللہ

 

خالق دو جہاں مہ اللہ

رازق دوجہاں مہ اللہ
 
چرند، پرند، سفان سورا
ای قسمہ مہرباں مہ اللہ
 
تمام  مخلوقاتن بچے
بو لوٹ نگہباں مہ اللہ
 
ای لوظ کنو سورا
ساوزیتای جہان مہ اللہ
 

حمد باری تعالی

 
مہ اللہ ای جہان ساوزیتای
مشکلاتن بو آسقان ساوزیتای
 
ھتوعو تخلیق شیر ھیہ دنیا
ھسے زات تان یہ آسمان ساوزیتای
 
ھیہ چھوتیو زرخیز ساوزے
دنیو رویان بچےآرامِ جان ساوزیتای
 
مہ اللہو کرم نوازی شیر  ھیہ
کہ ھسے اسپہ  انسان ساوزیتای
 
اے عزیز شکرخداوندی ادا کورے
ھسے تہ څیقیاری جوان ساوزیتای

 

خورما

جنتو میوہ خرما
بو لہازیان دوا خرما
مفید ھردیو لہازو بچے
عربو عجوہ خرما
سف میوان موژی
ھیہ شیر تھوا خرما
پاگل پنو کوی دودیری
ھیہ جم دوا خرما
اے رحمت عزیز
ژیبے عجوہ خرما
 

دعا

اے مالک دو جہاں قبول کورے  دعا
ای گناھگار کورویان تتے  التجاء
 
تہ دوواہرتہ گیتی آسوم اے مہ اللہ
گنی گیتی آسوم ای  استدعا
 
قبول کورے مہ دعان یا رب
تو تان اسوس حاجت روا، مشکل کشا
 
گناھا مڑاغ بیتی اسوم مہ خدایا
معاف کورے اے مہ رب العلی'
 
سجدا سورو لاکھی عزیز
راوے سبحان ربی الاعلی'
 
 
قرآن
 
خدایو  کلام شیر ھیہ
اسپہ بچے انعام شیر ھیہ
 
راوے ھمو  صبح و شام
بو عظیم کلام شیر ھیہ
 
تمام انسانن بچے
اللہو پیغام شیر ھیہ
 
 
کھوا ر ای جو
 
ای ،  جو ، تروی ،چھور
 
گیور څیڅیقان مہ نسہ گیور
 
پونچ، چھوی، سوت اوچے اوشٹ
 
ایغو بارابار شینی کھوت وا کوشٹ
 
نیوف، جوش، جوش ای
 
پاڑہ راور سف ای بیتی
 

نعت رسول مقبول

 
احمد مجتبی  آسور اسپہ نبی
محمد مصطفی آسور اسپہ نبی
 
ھسے ختم الرسل آسور  بے شک
خاتم الانبیاء آسور اسپہ نبی
 
ھتوعو اقتداء ادا ارینی نمیژ نبیان
ھسے امام الانبیاء آسور اسپہ نبی
  
 

مالک ارض وسمو یاد کوروم

 
مالکِ ارض و سمو یاد کوروم
خالق ارض و سمو یاد کوروم
 
ھسے دیتی آسور متے زندگی
ھتے اللہ  تعالو یاد کوروم
روپھیتام کیاوتکہ کہ نمیژو بچے
قیام، رکوع و سجدا یاد کوروم
 
حمد و تسبیح ورد زباں شیر
اوا خدایو انشا اللہ یاد کوروم
 
اوا تھے ای مخلوق اسوم معمولی
ھتے  ذات اعلو  یاد کوروم

 

بو لوٹ کریم اسور اللہ

 
بو لوٹ کریم اسور اللہ
غفورالرحیم اسور اللہ
اسپہ سف څیق اسوسی
ھسے  عظیم اسور اللہ
 
***
آسمانن دی خالق ھسے
انسانن دی رازق ھسے
ھمی چرند،پرند سف ھتوعو تخلیق
سف جہانن دی مالک ھسے
 
***
ھمی زوم، ھمی میدان
سف ھتوعو ثنا خواں
ھسے آسور بو عظیم
ھسے آسور عظیم الشان
 
***
 
بو عظیم  آسور مہ  رب
بو رحیم اسور  مہ رب
حاجت رواومشکل کشا
بو  کریم اسور مہ رب
 
*** 
 
ہر ژاغا گوسان غیچھی تو
اللہ ھو،  اللہ ھو، اللہ ھو
کا دی تہ سوم نیکی برابار
ہر ژاغا بس تو ہی تو
***
کہاڑ جہانہ شیر نور تہ
ہر ژاغا شیر ظہور تہ
سفانتے رزق دوسان تو
بے مثال شیر دستور تہ
***
تو اسوس  بزرگ و برتر خدایا
ملکی حالاتن کورے بہتر خدایا
اسپہ اسوسی بے بس اے اللہ
تو سفان سورا اسوس قادر خدایا
***
 
رازق اسوس تو انسانن
خالق اسوس تو آسمانن
ھیہ زمین دی تہ تخلیق
مالک اسوس تو کہاڑ جہانن
***
مہ اللہ احد اسور
مہ اللہ صمد اسور
ھو سوم کا نیکی برابار
مہ اللہ واحد اسور
***
یا مہ مو لٰی یا الٰہی
ہر ژاغا شیر تہ بادشاہی
تہ اطاعت ذریعہء نجات
تہ نافرمانی گمراہی
***
 
مشکیسیان اسپہ تہ سہارا
گناہ نو کوسی وا جوبارہ
معاف کورے اسپہ گناہان
تباہ ارینی اسپہ یہودونصاری
 
***
 
رب کریم اسوس تو
کندوری عظیم اسوس تو
اسپہ اسوسی گناہگار بندگان
مگم غفورالرحیم اسوس تو
***
  
دعا
 
نیک انسان مہ ساوزاوے، اے مہ  مولیٰ
نیکیو  سلیقو مہ چیچھاوے اے مہ  مولیٰ
 
کا کہ جہرچی دیتی اسونی ھیہ دنیا
ھیتاتنے طعام انځاوے مہ مولیٰ
 
کوس کہ اوغ پیارو گویان مہ خدایا
ھیتان جم اوغ پیاوے مہ  مولیٰ
 
اورارو دولتاری کا کہ اسونی محروم
ھیتان جم اوراری دراوے مہ مولیٰ
 

غیچھو نور

مہ اللہ کنو رویانتے غیچھو نور نو دوسا؟
پوشیکو صلاحیتو ھیتانتے اے رب غفور نو دوسا؟
مشکینیان تہ ساری ھیت غیچھان روشتی
ھے روشتیو ھیتان ای خور نو دوسا؟
 
 

فدو غون سخنور بغائی

 
فدو غون سخنور بغائی
کھوارو ای جم رھبر بغائی
مہ بو جم دوست
سے خلوصو پیکر بغائی
کھوارو ای پرخلوص دوست
محبتو پیامبر بغائی
فدا نو بغائی بچومکہ
انجمنو پورا دفتر بغائی
سے کیچہ دوست بیراے عزیز
اسپہ غیچھان کوری تر بغائی
 

چینی ملاو نو ھوی مفتہ بان ژوتی نیشی آسوم

 

چینی ملاو نو ھوی مفتہ بان ژوتی نیشی آسوم

موخو ڈوکہ نشان چملتوخ نامین تمغہ گنی آسوم

اوھتیری پیشیرو لاینا روپھی اے رویان

آرقاتو بانو سورا بان ژوتی نیشی آسوم

ھنیسے مہ ھجومو پوشی بوھرتووارو گویان

ھے بچے تان سورو کھوشتیے نیشی آسوم

پیشیرو اوچے چینی نایاب بیکو، اوا دی

بو مکالہ بوکو ساری بان ژوتی نیشی آسوم

چینی اوچے پیشیرو گودامو بیلا عزیز

ویزینین تان ژین دیتی نیشی آسوم

 

 

 
اے اللہ تان غلطیو آوا تسلیم کومان
 
اے اللہ تان غلطیو آوا تسلیم کومان
تہ ھر حکموتے آوا تعظیم کومان
تو صمد، تو احد، تو واحد خدایا
ھیہ لوو ھردیار آوا تسلیم کومان
حکمان تہ پورا کوریکو بچے
کوشش بو اے رب عظیم کومان
علم کندوری کہ مت دیتی اسوس
ھو ھنون اوا تقسیم کومان
تہ حکمتان کیہ ھوش کوما رے
عزیز حاصل دینی تعلیم کومان
  
منظوم اردو ترجمہ:
 

 

اے خدایا! میں اپنی کوتاہیوں کو تسلیم کرتا ہوں

تیرے ہر حکم کی میں تعظیم کرتا ہوں

توصمد، تو واحد اور تو ہی احد ہے

اس بات کو میں صدق دل سے تسلیم کرتا ہوں

تیرے احکام کو پورہ کرنے کے لیے

کوششیں بہت اے رب عظیم کرتا ہوں

تونے جو علم مجے عطا کی ہے

اس علم کو میں آج دوسروں میں تقسیم کرتا ہوں

تیری حکمتوں کو سمجنے کی خاطر

عزیز حاصل دینی و دنیاوی تعلیم کرتا ہوں

 

  

 
چترالی ترانہ
 
پاکستانو شان مہ جھنڈﺃ
پاکستانیان آن مہ جھنڈﺃ
مہ ھوست وا مہ بازو ھیہ
مہ پاز، شیرین ژان مہ جھنڈﺃ
ھیہ جھنڈو غونہ نیکی
کیچہ عالیشان مہ جھنڈﺃ
ھیہ ساوز ھلالی پرچم عزیز
پاک سرزمینو شان مہ جھنڈﺃ
 
 
 
اردو ترجمہ
 
پاکستان کی شان ہے میرا قومی پرچم
پاکستانیوں کی آن ہے میرا قومی پرچم
بس یوں سمجھئے کہ یہ میرا ہاتھ اور بازو ہے
اور میرا سینہ اور میری جان ہے میرا قومی پرچم
اس پرچم جیسا کوئی پرچم نہیںدنیا میں
دیکھئے کہ کتنا عالیشان ہے میرا قومی پرچم
یہ سبز ھلالی پرچم ہے عزیز
اور پاکستان کی شان ہے میرا قومی پرچم
 
نوٹ۔ کھوار زبان کے حروف تہجی میں کھوار اکیڈمی نے ایک نئے حرف(ﺃ) کا اضافہ کیا ہے۔ زیر نظر کھوار شاعری میں (ﺃ) کا استعمال کیا گیا ہے اس سے پہلے اس الف کی جگہ الف مقصورہ ہی مستعمل تھا جوکہ کھوار کی اس مخصوص آواز کی نمائندگی کرنے سے قاصر تھا۔ کھوار اکیڈمی نے اس الف کو الف ھمزہ کا نام دیا ہے ۔ کھوار زبان میں الف ھمزہ والے کئی الفاظ پائے جاتے ہیں مثلا چنڈﺃ(چندہ) ، جھنڈﺃ(جھنڈا) ، سنڈﺃ(سانڈ) ، کندﺃ(عارضی دیوار) ، ، ڑﻨﮕﺄ(سنگ) وغیرہ۔
 
تھے گروانو تان وار وار اسپہ آریتام
ھتے بے وفو سورا اعتبار اسپہ آریتام
تانسورو بے مقصد خوار اسپہ آریتام
کیہ وت کہ آریر حسینئہ عالم اسپہ استقبالو
تھے گروانو تان وار وار اسپہ آریتام
کا کہ باوار کورِکو نو اوشونی قابلا
ھتیتان سورا کو اعتبار اسپہ آریتام؟
رے آسیتائی ھسے کہ آوا گوم رے
ھیغین دیتی ھتوعو انتظار اسپہ آریتام
ظلم اوچے ستھم ھتوعو بے اشمار اوشونی عزیز
لیکھن ھے ظلمان اشمار اسپہ آریتام
 
اردو ترجمہ
 
اس بے وفا پہ اعتبار ھم نے کیا
خود کو بے مقصد خوار ھم نے کیا
جب ٹھکرادی حسینئہ عالم نے ھماری گزارش
تو گریباں اپنا تار تار ھم نے کیا
جو بھروسے کے نہیں تھے قابل
ان پر کیوں اعتبار ھم نے کیا
کہا تھا اس نے کہ میں آوں گی
اس لیے ان کا انتظار ھم نے کیا
ظلم و ستم ان کے بے شمار تھے عزیز
لیکن ان کو شمار ھم نے کیا
  
مدینہ منورہ
 
ھر ای مسلمان طلبگار مدینو
یومونی اسپہ بچے نوبہار مدینو
نبی اکرم تشریف انگیکو سوم تان
ڑاپھئیکا پرائے نورو سورا دربار مدینو
ڑوسپہ مہ ارمان مدینا کہ تاروم رے
خوشپہ دی کی بےسیر دیدار مدینو
قیصر و کسرو تخت دی ڑینگیتانی
دنیا تشریف آلائی سرکار مدینو
سور ورازنیہ لاکھیکو سوم خوشپ پاشیمان
مہ غیچھی گونیان ھتے شیلی شیلی بازار مدینو
بوپاک، حسین  اوچے صفا شیر
ھتے گہت اوچے غبار مدینو
اے عزیز تان غیچھان مژی لوڑے
گمبوریان ساری شیلی شینی خار مدینو
 
اردو ترجمہ
جو بھی اپنے آپ کو مسلمان کہتا ہے اسے مدینہ جانے کی طلب رہتی ہے۔ مدینہ منورہ کے سردی کے موسم ھمارے لیے مثل نوبہار ہیں
 
جب نبی اکرم اس دنیا میں تشریف لائے تو اس کے نور سے مدینہ کے دربار چمکنے لگے۔
 
میری یہ دلی آرزو ہے کہ خواب میں بھی مدینہ منورہ کی زیارت نصیب ہواور حقیقت میں بھی مجھے مدینہ دیکھنے کی تمنا ہے
 
جب نبی اکرم صلی اللہ علیہ وسلم اس دنیا میں تشریف لائے تو قیصر اور کسریٰ کے مضبوط تخت ھل گئے۔
 
جب میں سونے کے لیے اپنا سر سرہانے پہ رکھتا ہوں اور آنکھ لگتے ہی خواب دیکھتا ہوں اور خواب میں مجھے مدینہ کے حسین اور خوبصورت بازار نظر آتے ہیں۔
 
مدینہ منورہ کی پاکی اور ستھرے پن کی کیا بات ہے کہ اس کے گردوغبار بھی پاک اور صاف ہیں
 
اے عزیز اپنے عقل کی آنکھ سے دیکھ لو کہ پھولوں سے بھی زیادہ حسین مدینہ منورہ کے کانٹے ہیں
 
 

 

mail @ chitraltimes@gmail.com

| Front Page | Chitral | Advertisement | Weather | About Us | Bookmark Us |